بقلم/ ثناء عوده…
كل لما ابصله الاقى نفسى….
وكأنى ببص لنفسى ف مرايتى….
شبهى مش ف ملامحى…
شبهى ف حكايتى…
شبهى تمام نفس الاه….
جرحى وجرحه مهى واحده….
طويت صفحتى ف كتابه….
احكى ايه ويحكى ليه….
هى هى المأساه….
بس بسألك؟؟…
ياترى مين فينا…
حيضحى بجرحه؟….
ويداوى بنزيف قلبه جرح التانى….
اكيد انا ما اللى حبيتك…
حبيتك من غير ما اعرفك…
حلمت بيك من قبل ما اشوفك…
توعدنى تنسى اللى فات…
وف حضنك ادوب لحظات….
لمسه ايديك لايديا طمنى….
اما غريبه ياحب…
رغم كل محاولاتى لتفاديه…
الا انى وقعت فيه…
والغريب لاحسبت حسابات…
ولا وضعت مقاييس…
فاجئنى الحب ودمر كل…
اسوار الرفض….
رفضى لتكرار التجربه…
واتعب قلبى تانى ليه….
لكن عملها الحب ودق بابى…
بس لسه خايفه…
خايفه نعيش بعقد الماضى….
ومتتحملش دمعتى…
ومتحملش رعشه ايديك..
وتيجى طمنى تخنقنى….
واجى اداويك اجرحك….
حاول بنظرتك ليا….
تشيل الخوف عنى…
واكيد ساعتها حرويك…
من نبعى حب وحنيه…
شبهى…..
