بقلم / سمر فرج محمد المصري
الطفل العنيد مشكلة تواجه اغلب الامهات واليوم سوف نتكلم عن حلها
الام بتشتكي وتقولي ابني لازم لو معملتش اللي هو عايزه ييعيط ويطنطط ويدبدب في الارض برجليه وكمان يخبط راسه في الارض او الحيطه بقي صعب جدا وعنيييد اوي
اعمل معاه ايه؟؟؟؟؟؟؟؟؟
اولا وببساطه شديده جدآ مفيش طفل قبل عمر سنتين اسمه عنيد
ايوة العند بيبتدي عند الطفل بعد سنتين طيب ليه؟؟؟
لأن ببساطه طفل قبل سنتين يعني مشي غير منتظم وكلام غير مكتمل وكمان خبرة ومعرفه بالامور شبه منعدمه وحضرتك المتحكم الاول والاخر في أدق امور حياته يكون ازاي عرف العند
تمام يا ماما بتفكري وهتسأليني امال ابني عرف العند ازاي؟؟
هقول حالا وركزي معايا كويس جداً…
طلما حضرتك أكلتي طفلك وهو مش جعان
لما حضرتك صممتي تأكليه اكله مش بيحبها زي الخضار مثلا
لما حضرتك قولتي يلا هنام دلوقتي ومكنش عايز ينام
لما حضرتك خلتيه اخد شاور ومكنش له مزاج للاستحمام في الوقت ده.
كمان انتي شوفي كام مرة زعقتي فيه وعاقبتيه لما وقعت حاجه منه غصب عنه وهو لسه مش عارف الصح من الخطأ
بصي كده بسرعه علي الاسباب دي واعكسي الصوره وخليكي انتى مكانه هتقدري تعملي الحاجات دي غصب عنك وانتي بكامل وعيك وارادتك؟؟
بالتأكيد الاجابة لا.
كيفية الحصول علي حل ؟!
عندنا خمس قواعد هامه جداًجداً وهما
1-تجاهلي السلوك السلبي
2-التعبان هو اللي غلطان
3- ان االله لايغير ما بقوم حتي يغيرو ما بأنفسهم
4-كل مولود يولد علي الفطرة….
الاربع قواعد مهمين طبعاً مش محتاجين شرح
5-ابني محتاج مني ايه…[ تبيين -تذكير-حمايه-توضيح -تبليغ ]
اولا حضرتك لو سمحتي يا ماما عاملي ابنك انه كبير وتجنبي تفرضي رأيك وتقولي انه لسه صغير ومش فاهم يعني لما ترفضي تنفذيله شئ عرفيه السبب يبقي انا كده شوية افكره بنتيجه الغلط لو اتعمل وانا كده ذكرت هشيل اي حاجه جمبه ممكن تجرحه او تسببله اذي عشان لما يخبط نفسه وكده انا عملت حمايةهسيبه يخبط نفسه ومتخافيش هو عارف بيعمل ايه وبيختبرك ومش هيوجع نفسه وبعد ما ينتهي من السلوك هوضحله ان ده غلط ولما تحتاج حاجه يقولي هقوله المرة الجاية هجيب حاجه حلوة ليك عشان انت شاطر وعرفت ان الطريقه دي غلط ومش هنعملها تاني وده اسمه التبليغ
ماما هتقولي بس مش بيسمع الكلام وذلك بسب ان حضرتك مسمعتيش كلامه وقولتي لأ من غير ماتقنعيه وطبعاً ده السبب اللي بيخلي الطفل اول كلمه وطلب تطلبيه منه يقول لاااااء لكن متقلقيش بلطف وبأقناع ومن غير عصبيه هيعمل ويجب تجنب أسلوب الأمر دايما اسلوب الامر بيخلي الطفل عدواني وعصبي وغير مطيع
أخيراً رفقاباطفالكم وحبوهم وتجنبي فرض السيطرة عليهم
شجعوهم علي المناقشه ولغه الحوار وعبري وعززي السلوك الايجابي وتجاهلي السلوك السلبي