افكار تدعم نفسك بها في ظروف كورونا

725320

١-حسن الظن بالله

كل ما تحس ان مودك وخيالك بقي كل تشاؤم ومخاوف وفزع احسن الظن بربك واعرف انه هيسترها معانا ويرحمنا برحمته وفضله ان شاء الله

٢-اعمل خطه انتاجيه اقل بس متوقفش الانتاجيه خالص وتحس انك قاعد مستني الموت وتستسلم للاحباط فكر في المستقبل وامشي في التنفيذ بس اعمل حسابك انك هتاجل سنه بس المهم لما السنه دي تعدي تبقي جاهز تكمل حياتك وتعوض اللي فاتك ومتكونش خسرت كتير بسوء ادارتك لمواردك

٣-كبر دماغك عن اي حاجه انت متقدرش تتحكم فيها

اللي علي ربنا وانت كأنسان متقدرش تتحكم في حاجه فيه كبر دماغك عنه بس اوعي تبطل تدعي ربنا انه يأمنك ويكفيك شر ما اهمك بس مش عارف تعمل حاجه فيه

٤-فكر ان في اوحش كتير من الوضع اللي احنا فيه ولا نسيتوا الحرب العالميه التالته تخيلوا كده لو اللي مقعدنا دلوقتي هو حرب وقاعد في بيتك مش عارف في صاروخ هيتفجر فيك امتي
او انك ممكن تكون حصلك حادث سبللك اصابات اعاقتك عن ممارسه حياتك الطبيعيه للابد مش لفتره كده كده هتخلص

او انك مش في سجن محبوس ومتحكم فيك ٢٤ ساعه

في اوضاع كتير اوي اوحش من اللي احنا فيه

٥-لو خايف علي مدخراتك اللي كنت شايلها للزمن فالوضع ده هو جزء من الزمن اللي انت حوشت عشانه حدد رقم واصرف من غير ما تخنق نفسك من غير سبب واحمد ربنا انك محوش حاجه تنفعك في الوضع ده ببساطه صرف المدخرات ارحم من الديون

٦-لو متضايق من قاعده الولاد في البيت فكر في حاجه تحسن الوضع اللي مضايقك بالذات مش في الوضع كله يعني لو عندك مشكله مع هرجله البيت حلها مش تفكر ان الكورونا السبب وتستني لما كورونا تمشي وحاول حتي لو مفيش حل فكر في تحسين الوضع بس متسبش الوضع يروح اوحش

٧-عدي اليوم اللي تحس انه قافل وغامق اوقات كده بيبقي يوم ظروفه كده وتاني يوم يبقي زي الفل فبلاش تصلح كل حاجه اكتر من اللازم وفر مجهودك

٨-حاول تعمل اي انشطه تجرى الدوره الدمويه زي الرقص او نط الحبل

واهتم بانك تحاول تسترخي سواء بسماع حاجه تفصلك او انك تنام في مايه دافيه في البانيو وتتنفس بهدوء

٩-متنساش تسلي نفسك وتعمل افكار فيها ابداع انشالله اكله حلوه او قرايه كتاب لطيف غذاء الروح ده مهم جدا زي غذاء الجسم بالظبط

١٠-حاول تفصل من الاخبار الوحشه والمقلقه لما تحس انها بدات تأثر عليك وتخليك عصبي او مش عارف تنام وافصل بحاجه قويه زي فيلم بتحبه او مكالمه تليفون مع حد بتحبه بس متسبش نفسك للرعب

اللي احنا فيه مش ممكن هيستمر ان شاء الله لانه لو استمر معناه ان العالم هيخلص ووقتها احنا مش محتاجين نقلق علي الدنيا فقلقك علي الدنيا معناه انك عارف انه هيخلص اعتبرها زي سنه ثانويه عامه اللي كنت فاكر انك بعدها هترتاح خلاص