بقلم الشاعر / علاء المصرى
متابعة المستشار الآعلامى والثقافى / سامح الخطيب
الارجوزات
الاراجوز و الاراجوزة
جاهزين دايما وقت العوزة
أطلع نافق طبل سقف
أرجع تاني كركر جوزة
البهلوانات
مابتعرفش تعيش ف سكات
مابيخدوش خالص اجازات
السيرك خلاص بقى من غير سلك
دايما جاهزين بالحركات
الحيزبونات
دنيتهم حركة وتنطيط
بيموتوا ف رزع … وتخبيط
وحياتهم تخطيط ومؤامرة
واخرهم يترزعوا ف حيط
البغبغنات
ينقلوا كل الكلمات
لوك لوك لوك لوك .. حكايات
أي كلام ف أي كلام
ويحطوا عليه البهارات