بقلم/ د. عزة محمود
بنوتة لون الحلم……………………… طلت م السحاب
قبل الزمان ما يبان……………….. ف دقات الساعات
والكون ظلام………………وكل شيء كان ف الغياب
لا فيه أمل…….ولا صوت حياة……………ولا أمنيات
حست في دقة قلبها……………………… بسمة شباب
واتخيلت……….. إحساس حنين………. وكلام بنات
رسمت وطن…….. في عيون ولد………فوق التراب
نفسه يعيش الأمنية…… عشق الصباح والأمسيات
لكن تنادي بإيه عليه…… و اسمه مش جوه الكتاب
خافت يضيع من حلمها…… وماكانش ليها ذكريات
خطفت من الأحلام ألف والدنيا دال حيرة وعذاب
والميم دي مفتاح الحياة…..آدم بقى ف كل اللغات
رفع عيونه للسما…….. عايش ف وحدة وقلبه داب
نفسه ينادي اسمها….. ويقول لها…..حاسس شتات
أخد حروفها من الحنين والحب والحلم اللي غاب
والواو وجع من بعدها…….ووصال بيتمناه ساعات
وعطاها من اسمه الألف والمعنى ألفة مش اغتراب
بقت له حوا ف دنيته نزلت تحقق جنته ليوم الممات