بقلم/ احمد شوقي مكاوي
أهلا بيك في دنيا الأحلام
هنا هنسيك هم الأيام
وايانا تعيش …. في سلام و مفيش ….
غير الضحكة الحلوة تحلي الأيام
لما تغمض عينيك و تقول
دخلني دنيا الأحلام علطول
هتلاقي حبيبيك ايده مش هتسيبك
عينيك في عينيه كده و آخر استسلام
هتقوله واحشني يا أحلى الناس
الدنيا من غيرك جنة ما تنداس
في سكوته كلام …. وحي و إلهام
و كانه بيعزف لي …. أحلى الأنغام
بيقولي حبيبي ….. ما تسيبنيش
أنا من غيرقلبي ….. كاني مفيش
قولتها انا ليكي …. علشان ارضيكي
مش هغلط تاني و اسيب روحي تتلام
فجاة لقيت صوت يعمل تيت تيت
و فزعني بصوته زي العفريت
طلعني لدنيا ….. مفيهاش حنية
صعبة و عفية ….. صدام و آلام
غمضت عينيا و قعدت اقول
دخلني دنيا الأحلام علطول
قاموا ضحكوا عليا و قالوا اهدى شوية
دنيا الأحلام …. اوهام اوهام