بقلم الشاعر / عصام الاسمر
متابعة المستشار الإعلامى والثقافي / سامح الخطيب
عدي الكروان جه صحاني
وكان الصبح بادي ينور
وصحيت من نومي واحلامي
علي صوت بيقول الله اكبر
الليل اسمر تايه جراح
لا يوصل بر ولا بان له صباح
خطوات الصبح من الشباك
شايله لي شقي وفراق وضني
وتقولي يا قلبي مش شيفاك
والدنيا تدوور
من قبل ما يكسيها النور
قلبها مليان عشاق وشجون
مستني نهار من قلب الليل
صاحي متآلم ويا جراحي
ولا داري بنفسي نايم صاحي
والجرح مغطي افراحي
ولا مرة شكيت كان مصباحي
وعيون الليل ظلام مسحور
والغيمة ف عين السما غربال
وفي عز الظلمة
يبان لي النور
وتملي سكون الليل مجنون
منه الفنان يعزف بئانون
وانا قاعد وحدي وبتآلم
واحايل جرحي ما يتكلم
واقول لليل اصبر طيب
اشكي لك
ده المر ساكن أشعاري
اياك تسألني بتشتكي ليه
وان ضاع العمر
مش هبكي عليه
راح أرضي وأقول قسمة ومكتوب
أحتار من حيرتي ليلي نهار
وفي صبري بقول
منيش أيوب
اهو ده اللي تاعبني وبكاني
وكتمت الشكوي بقلبي ياليل
ورجعت لنومي واحلامي
سواح وأطوف مع أحزاني
وخلاص اه ياليل