علقت شيرين رضا، على تكريم والدها الفنان الراحل محمود رضا، بالدورة الرابعة من مهرجان الجونة السينمائي، وافتتاح معرض خاص به تكريمًا لما قدمه خلال مشواره الفني الطويل.
تحدثت شيرين خلال كلمتها بالمهرجان:” المسرح له هيبة جامدة أوي، وصعب الواحد يتعود عليها مهما وقف عليه، الهيبة هي اللي خلتني أخالف رغبة أبويا تقريبًا أنا الوحيدة اللي خالفت وصية أبويا أن بنته تكون رقاصة في العالم العربي ومحققتلوش حلمه، بكل فخر أنا بنت أكتر واحد حب واحترم الرقص في مصر”.
وتابعت شيرين رضا : “مكنتش حاسه أن دي حاجة كبيرة ومميزة، كنت بتفرج على فرقة رضا ومكنتش عارفه إيه ده، وأنا عندي 14 سنة رحت المسرح ورقصت معاهم، وعرفت يعني إيه انضباط ودي كانت أخر مرة، وعرفت أن أبويا كان عنده حلم إنه ياخد الرقص في حتة تانية، الحلم ده مكنش سهل، ولولاه مكنتش هقف هنا وأقول أني بنت محمود رضا”.
