رشا رضا: بنت رضا ..
علاقات علاقات علاقات
دنيا مليانه حوارات
اب وابنه زوج وزوجته
بنت وحما ست وضنا
زميل فى شغل ومدير بياع فى سيرك
كل يوم نمسك علاقه نفصصها للنهايه
تفتكروا نبدا بمين وليه
تلميذ وعلاقته بمعلم بزمايل فصل وكراسة
فنان وعلاقته بالفرشاه واللوحة وورقه وكراسة
ولا نكتب فى الغويط عن علاقه انسانيه بين أم وولادها الجمال
كبروا وقدروا اتجوزوا
وبقت صفر على الشمال
بتقولى ايه عيب كده انت ايه مبتفهميش
ازاى تقولى كده على امنا ده كلنا خدامين هنا لها
طب بس بس متتعصبوش،وشوفوا كده
مين فيكم شال همها فى وجع صار فى جسمها فى حضن ليل طويل
الكل عايش جوة بيته بين عيالة شايل وبس همهم
هى بقى حد سأل او حتى حس بيها فى كل يوم كبيركم فى مكالمه تليفون
كتر خيركم الدنيا شغلتنا وشغلتكم
الأم تكبر فاكرة ان ليها ولد سند
والناس هنا تبان اصلها وافتكروا دايما كلمتى داين تدان
بكرة هنكبر كلنا وعملنا قاعد وسطنا
ومسيرك يامراة الابن تبقى حما
وزوج البنت طالعلك ضنا
بكلم نفسي وسطكم عشان نهتم كلنا بأمنا
اللى جاى فى عمرهم عمره مهيبقى قد اللى راح
يااكونوا سبب سعدنا ودخولنا جنات ربنا
وديه اول علاقه معانا هنا قارن وشوف انت فين وازاى وليه
واكتبلنا عن علاقه تحب نكتب عنها هنا
علاقات
