عمرو محمود ياسين يدافع عن ياسمين عبدالعزيز: “أنا مش مصدق اللي بيحصل!”
في ظل الهجوم المستمر والاتهامات اللي طالت النجمة ياسمين عبد العزيز، خرج السيناريست عمرو محمود ياسين عن صمته، معبرًا عن استغرابه الشديد من حجم الكلام المتداول حولها.
شيرين رضا في مواجهة ياسمين عبدالعزيز في «وننسى اللي كان» – للمزيد اتبع الرابط التالي – https://www.nesral3roba.com/?p=142104
بداية التصريحات عمرو قال بصراحة: “أنا مش مصدق اللي بيحصل مع ياسمين!”
وأضاف بسخرية واضحة: “لو تتر اتغير من حاجة لحاجة يبقى ياسمين، لو ممثل قال جملة هنا أو هنا يبقى ياسمين طيب أنا رحت فين؟!”
داليا مصطفى: هتجوز تاني طبعًا بإذن ربنا.. وسورة البقرة كانت طوق النجاة – للمزيد اتبع الرابط التالي – https://www.nesral3roba.com/?p=142114
توضيح الصورة وأكد إن ربط كل تفصيلة في العمل باسم ياسمين غير منطقي بالمرة، وقال: “لو حد لابس لبس معين يبقى ياسمين، لو شخصية متسميّة اسم بعينه يبقى ياسمين وأقسم بالله إن ده غير حقيقي.
” وشدد إن أي مسلسل بيبقى وراه مؤلف ومخرج ومنتج وستايلست وأقسام تخصصية كاملة
“إحنا مش هواة، إحنا بنشتغل وكل واحد مسؤول عن دوره واختصاصه.”
وأوضح إن التشاور موجود فعلًا داخل أي مشروع فني، لكن القرار بيكون جماعي لمصلحة العمل، مش تصفية حسابات زي ما بيتقال عن رد فعل ياسمين عمرو كشف إن ياسمين بقت محتارة تعمل إيه: “لو طلعت ترد الناس تقول بتردي ليه؟ ولو سكتت الناس تصدق الاتهامات!”
وأكد إنه بيشفق عليها من حجم الهجوم، لكن اللي بيطمنه إنها قوية جدًا وبتقابل ده كله بسخرية وضحك وإن ردها دايمًا بسيط: “أنا مش شايفاهم.”
عمرو محمود ياسين اعتبر إن الهجوم على ياسمين هو جزء من الهجوم على مشروعه الفني
مؤكدًا إن الهدف في النهاية هو نجاح العمل، مش الدخول في معارك جانبية. واختتم كلامه بدعاء: “ربنا يصلح حال الجميع، وخالص التقدير والاحترام.”
هل فعلاً بقى أي نجاح لنجمة كبيرة بيقابل بهجوم وتشكيك؟ ولا السوشيال ميديا هي اللي بتكبّر أي موضوع أكتر من حجمه؟
أحمد العوضي في «علي كلاي».. طلاق، انتقام وحرب عائلية مش هتهدى – للمزيد اتبع الرابط التالي – https://www.nesral3roba.com/?p=142099