فنان نضيف وسالك ودمه خفيف.. دنيا سامي تكشف كواليس الشغل مع يوسف الشريف!
في وقت بقى فيه الكلام الحلو قليل في الوسط الفني، خرجت الفنانة دنيا سامي تتكلم بكل صراحة عن تجربتها مع النجم يوسف الشريف، كاشفة تفاصيل مختلفة عن شخصيته داخل اللوكيشن وخارجه.
داليا مصطفى: هتجوز تاني طبعًا بإذن ربنا.. وسورة البقرة كانت طوق النجاة – للمزيد اتبع الرابط التالي – https://www.nesral3roba.com/?p=142114
بداية الخبر دنيا سامي عبّرت عن سعادتها الكبيرة بتعاونها مع يوسف الشريف في مسلسل فن الحرب، وقالت إنها كانت تجربة مميزة وفخورة إنها اشتغلت مع نجم موهوب ومحترف.
«أنا لسه منتهتش».. رحمة محسن تضرب بقوة في «درويلة» – للمزيد اتبع الرابط التالي – https://www.nesral3roba.com/?p=142109
نص التصريحات وأكدت إن يوسف الشريف “فنان نضيف وسالك”، ودايمًا بيحب اللي حواليه ينجحوا وينوروا جنبه، ودي على حد وصفها صفات مش موجودة عند ناس كتير في المجال
وأضافت بابتسامة إنه رغم هدوءه وتركيزه الشديد في الشغل، إلا إن دمه خفيف جدًا، “بس كان مدكِن شوية”
وختمت كلامها بدعوة صادقة: “ربنا يكتبلك النجاح ويديك على قد طيبتك وتعبك”
ويُعرف عن يوسف الشريف تمسكه بمبادئه، وإنه مش بيجري ورا الفلوس، ودايمًا بيحط لنفسه حدود واضحة في أدواره.
كلمات دنيا سامي فتحت باب جديد للكلام عن شخصية يوسف الشريف الحقيقية بعيدًا عن الشاشة، وخلّت الجمهور يشوف جانب إنساني مختلف من النجم المعروف بالتزامه واختياراته الخاصة.
إنت شايف إن التزام الفنان بمبادئه أهم من الشهرة والفلوس؟ ولا النجاح في الوسط الفني محتاج مرونة أكتر؟