قصيدة بعنوان لا للتكبر

FB IMG 1605955519272


كلماتي عبدالله مغازى
..
..
أنت عارف بتكلم مين؟

عايزك تجاوب عليك باليمين

أنت عارف بتكلم مين؟

وممكن نشوف إجابة السامعين

أنت عارف بتكلم مين؟

دى جملة سر تخلفنا

وكل واحد شايف نفسه مين

معظم الناس ياغالى متعنطظين

دا حتى الزبال والغفير

مش بقلل من شأنه ولا حاجة

بس نفسى أقولك

أن العنطظة فى مصر جين

وراثة من الفراعنة

وعبد بشخة

كان بيقول أنه إله العالمين

شفت العنطظة راجعة لمين

وفين أحنا من بلال

ورسول رحمة للعالمين

دا اللى حافظ جزء عم

بيتموطوح علينا شمال ويمين

واللى يعرف اسم غفير بالقسم

راجل بقت له حصانة

وشايف اللى زينا معدمين

تقول ايه ياصاحبى على الخلايق

تظن أنهم نسيوا خلقتهم من طين

والله جايز

إذا كان الدهب لبسته العجايز

والدهب زينة العرايس الحلوين

زى العقل عند الناس

مش عند المواشى

بس الناس باعت عقلها

من كتر أكل السمين

رحماك يارب رحماك

رحماك يارب العالمين
….
…