بقلم /سمر فرج محمد المصري
الطلاق ليس امر سهل بل انها ابغض الحلال عند لله ولكن ما الاساب التي توصل الي الطلاق ومع حواري مع بعض النساء وسؤالي ليه محاولتيش تنقذي بيتك قبل ما تطلقى؟قالتهو انتي فاكره ان الطلاق هو اللي حصل عند المأذون؟الطلاق بيحصل نفسيا قبلها بكتير:.
في كل مره احتجت فيها يطبطب عليا وسابني اطبطب علي نفسي بنفسي او عمل نفسه مشغول.في كل مره حكيتله على اللي واجعني وكان بيستهزأ بيه او يقلل منه.في كل مره كنت بتمنى يبقى رومانسي معايا ولو لحظات ويحسسني اني ست.في كل مره كنت بتمني انه يديني ولو ١% من وقته ..
في كل مره كنت بوريه فيها شكلي في بلبس جديد وكان يدور وشه الناحيه التانيه او يتريق على شكلى فيه.في كل مره خذلني ومأخدليش حقي من ناس اساؤوا ليا ونزل من نظري كراجل.في كل مره كنت بعيط لما بشوف اتنين بيحبوا بعض وجوايا الغيره ملياني لأني نفسي اعيش لحظات زي دي.في كل مره كنت بحس بيها بوحده قاسيه حتى وانا نايمه جنبه.في كل مره كانت اكتر امنيه انه يعملني ك بني ادم .في كل مره كان نفسي ننام و نصحي مع بعض مش انام و اصحي وهو بايت بره . في كل مره حسسني فيها اني نص ست واني مش كفايه ليه.في كل مره وعدني فيها انه هيبقى سند حقيقي وطلعت مسنوده على حيطه مايله .خدتني ووقعت بيا.في كل مره حسسني اني غير اهل للثقه وانا عمري ما كنت كده ..الشرع بيقول ٣ طلقات وبعدها مفيش رجوع و انا اتطلقت منه ١٠٠ مره وعيشتي معاه كانت باطل.تعليقي علي كلامها هل الذنب كلها علي الرجل اما أن الحياة مشاركة بينهم حيث إنها لو عاملتي معاملة حسنة دون غضب وعتاب مستمر سوف تكون الحياة افضل يجب أن تفكري في نفسية طفلك لان المشاكل تؤثر علي الطفل وسوف يكون مشتت بينك وبين والده ففكري جيد قبل اتاخد هذا القرار واعلمي ان لكل مشكلة حل
تابعونا على قناة نسر العروبة يوتيوب
https://www.youtube.com/channel/UC5fN2oPtbwd4hHKapb-IVKA