المقادير
ثلاث اكواب طحين
ملعقة صغيرة خميرة
رشة ملح ثلاث ملاعق زبادي
وتقريبا كوب ماء دافي
بعجن العجينة لتصير متماسكة
وبقطعها لكرات على حسب الحجم الي بدكن ياه انا بقطعهم كرات صغيرة اربعين حبة تقريبا
وبتركها تختمر نص ساعة
.
وبفردها لتصير رقيقة كتير وبحطها بصحن الفرن مدهون زيت وبحط من الحشوة عليها وبكبسها بايدي وبدخلها الفرن من فوق وتحت مع بعض لتستوي وهي ما بتطول بالفرن دقايق وبتستوي وبس طلعت من الفرن بغطيها لحتى ما تنشف
.
الحشوة
نص كيلو لحمة مفرومة تكون دهينة
ضفتلها كيلو بندورة مقشرة ومقطعة ناعم وحبة بصل
مفرومة
وحبة فليفلة حارة
وشوي بقدونس .
وبتبلها بملح وفلفل اسود واحمر وممكن تضيفولها دبس رمان انا ما بضيفو لانو ما بيحبوو عندي بخلطها مع بعض واستعملها