بقلم محمود الدخميسي
مهما عملوا
مهما قالوا
اياك يوم تنكسر
استر نفسك
حتي لو توبك قصر
اياك. تتطاطي وتنكسر
مهما حفرولك حفر
أنت تولدت راجل
لازم تموت راجل
يعاند مهما يعاند زمانك
خليك ثابت في مكانك
ولا يهمك مين خانك
وإن عابوك. الناس
لا تخاف ولا ترجع
كمل مشوارك
خليك ثابت في مكانك
اياك تسيب المكان
ولا حتي تلوم الزمان
ولا تعيبه
…….
دنيا كبيرة
وفيها الوهم
واحذر قليل الفهم
المغرور بالوهم
لا يصيبك بسهم
الغباء والوهم
……..
علي الدنيا كلنا عيوب
مين فينا مش معيوب
وكله في الكتاب مكتوب
ياأبو الرجال اثبت مكانك
لا يهمك ريح ولا هبوب
واستر علي المعيوب
وارضي بالمكتوب
…………..
وسيبك. ياولدي من الوهم
خليك علي أرضك ثابت
وسط. زرعك قاعد
لا تخاف من حد
ولا تيجي علي حد
خلي كلامك علي القد
وخليك راجل جد
واربط حبال الود
بينك وبين أي حد
…………
الرجال الأصيلة
ثابت في مكانها
مهما يحصل
ومهما يكون
……….
.خلي خوفك
من ربك
ونفسك من بطنك
ولايهمك
كلام حد
وإن زاد الوجع
أصرخ بأعلى صوتك
في مكانك
وسط أرضك
ولاتلوم علي أيامك
حتي لو أهتزت الارض
………
عمر الرجال طويل علي الأرض
……….
خليك ثابت ما يهمك حد
مهما قالوا
مها عملوا
خليك مكانك
ولا يهمك حد
لو لاموك
إياك تلوم حد
هي دي الرجوله بجد
لو توبك قصر
استر نفسك
بتوبك
إياك تتغطي
بتوب حد