،نور كان حلم حياتها تدخل كلية الطب ، وشاءت الأقدار ان اخوها يتوفى قبل الامتحانات بيوم في حادث سير ،وفي عزاء أخوها أصيب والدها بكورونا واتوفى بعد ١٠ أيام من وفاة الأخ ، ورغم الظروف العصيبة نور اجتهدت وحصلت على مجموع ٩٥% ، وطبعًا المجموع للأسف ميدخلهاش ولا طب ولا صيدلة ،والموضوع وصل للإعلام، والمذيعة عملت مداخلة مع نور على قناة On Tv عشان تواسيها لفقدان أبوها وأخوها ، وتشجعها على اداءها المبهر في الامتحانات رغم الظروفوكان رد البنت ” الحمدلله على كل حال .. لو مش هبقى طبيبة فهعافر لحد ما أبقى دكتورة في الجامعة اللي هدخلها”وبعد دقائق من إنهاء المكالمة…. تتجلى رحمة ربنا
في اتصال من دكتور ( خالد الطوخي) رئيس (جامعة مصر للعلوم والتكنولوچيا ) بالبرنامج ، يصرّح فيه انه حجز لنور مقعد عنده في كلية الطب البشري دفعة ٢٠٢٠ مع تحمل الجامعة كافة النفقات من السنة الأولى وحتى التخرج.