بقلم الشاعرة / نور الهدى على
متابعة المستشار الآعلامى والثقافى / سامح الخطيب..
مخضوض يا العمر
والصبر يصبّر في جروحك
بكاسات المر
مباح للموت إنه يزورنا
والدمع محجّر في عيونّا
بنّادي الصوت مكتوم فينا
والعين ماعادتش تشوف النور
مستور الحزن ومداري
جوّا قلوبنا
وان فكر مره الفرح يزور
يطفيله النور
ويموت علي عتبه احزانا
مشتاقة ألبس لك يوم أبيض
مع إني باخاف يسود اللون
وألفّ الكون
وما بيني وبيني
كتير حكايات
بتقول النور لزمَن يرجع
والعمر مكمل في طريقه
ونهايته ضريح
مكتوب علي بابه
في تابوت العمر اكتبني حياه
الحضن مضلّم والحفرة دي
يا دوب مترين
راح تسأل روحك فين الضي
وهيجي منين
بترد بنوحها علي روحها
وتقول ما خلاص
خلصت حكايتنا
والناتج دا يادوب شبرين