بقلم الشاعرة / نور الهدى على
متابعة / سامح الخطيب
وإبكى ياعينى ع اللى ماله اب
..فكرت إنه اسمي معاني الحب
حبيت معاه السهر
والغنوه والموال
عشقت في حضن عنيه
مواسم الترحال
عديت حدود الانا
وبقينا يومها اتنين
يدرسوا حبنا
بالملي للعاشقين
رافض رجوعي إنما
انا حضني ليه الدار
يكفي عيوني انها
وياه وبالمشوار… فرحانه وقت الفرح
وبتبكي لاحزانه
يا هل تري اللي انجرح
كان حد م السامعين
ولا خطاوي الهوي
فالسكه محسوبه
بخطوتين اتنين
خطوه تهز الكون
والتانيه تكسرنا
عاشق منيش مجنون
ليه الهوي زارنا
ما كنا كيف الريح
ما يحسنا حساد
كان واجب التصريح
ما عدش بينا ملاك
خاين وانا خنته
لاني صدقته
مشيت معاه ف كدبته
وكنت م التابعين
لكن قدرنا حكم
نرجع نكون ضددين