🍯 #الحلاوة_الطحينية البيتي.. أسهل وصفة وأطعم من الجاهزة!
مين فينا مبيحبش الحلاوة الطحينية على الفطار أو العشاء؟ 😍 دلوقتي تقدري تعمليها في البيت بكل سهولة وبمكونات بسيطة وهتطلع بنفس طعم وأحلى من الجاهزة.
📌 المكونات:
- 2 كوب طحينة
- 1 كوب سكر
- نصف كوب ماء
- ربع ملعقة صغيرة ملح ليمون
- ملعقة كبيرة عسل جلوكوز
👩🍳 الطريقة:
- على النار: ضيفي السكر + الماء + عسل الجلوكوز + ملح الليمون مع بعض، وسيبيهم يغلو لحد ما يبقى زي الشربات.
🔎 اختبار القوام: خدي معلقة صغيرة من الخليط وحطيها في كباية مية، لو نزل وممدابش يبقى القوام مظبوط. - اضربي الخليط بالمضرب الكهربا.
- انزلي بالطحينة (تكون دافية) وقلبي بمضرب سلك يدوي.
- هتلاقي القوام بدأ يتقل وياخد شكل الحلاوة الطحينية.
✨ سيبيها تبرد وهتلاقي أحلى حلاوة طحينية بيتي جاهزة للتقديم.
❓تحبي الحلاوة الطحينية أكتر سادة ولا مع مكسرات؟ 🥜🍯