1-ادي بنتك دور في البيت من صغرها
مناسب لقدراتها وامكانيتها علشان تعوديها على المسؤليه والتعاون🍳☕
2- استغلي احساسها بانثوتها ونميها
البنات بتحب لعب العرايس ولعب المطبخ وادوات التجميل والاهتمام بالمواليه استغلي ده بأنك تجبلها اللعب اللى تشبه ميولها دي ولما تكبر شويه اديها مهام تخص ميولها وهاتلها عطور وادوات تجميل وتوك تستخدمها في البيت
3-بتحتاج البنت دايما للحب والاهتمام الدائم والمستمر
وخصوصا من عيلتها الصغيره علشان تكبر قويه واثقه من نفسها
4-بتحتاج البنات لتواصل والصداقات والعلاقات
وانها تحس بالانتماء لجماعات مختلفه زي شلة المدرسه……..فريق النادي……….جماعة الكشافه…………. جروب بيت العيله….
وكل ما كانت العلاقات دي صحيه والناس اللى موجودين فيها بيدعموها وبيحبوها…. تقدرها لنفسها بيعلى جدا وسعادتها بتتضاعف
5-انتي قدوة بنتك
انتي اقوي قدوه لبنتك ولو لاحظتي هتلاقيها بتقلدك بطريقة مباشره او غير مباشره
علشان كده اللى محتاجه تعلموهولها علميه لنفسك الأول
6-اهتمي بتربيتها علي الحياء والخصوصيه
زي انها تقوم من قعدات الستات الكبار
وانها تتعلم خصوصيه جسمها وتعرف حدود معاملتها وكمان علميها طريقة الكلام الصح وشكل القعده السليمه
7-متقارنيهاش بحد خالص حتي لو كانوا اخوتها
8-بلاش تفضلي اخوها عليها من غير ما تحسي
بانك تمنعيها من حاجات وتسمحي لاخوها بنفس الحاج
طالما الشئ ده مش حرام ولا عيب في العموم قولي لنفسك ليه