لو الطفل ضاع… نتصرف إزاي؟ تدريب مهم لكل بيت
يقول الدكتور حسام صلاح، استشاري الصحة النفسية وتعديل السلوك:
“ضياع الطفل في مكان عام من أكتر المواقف اللي بترعب أي أم أو أب، لكن الحقيقة إن الطفل اللي متعلم يتصرف، بيقدر يواجه الموقف بهدوء ويتصرف بذكاء. التدريب المسبق مش رفاهية، ده أمان فعلي لأولادنا.”
من هنا، بيأكد د. حسام إن كل بيت لازم يدرب أطفاله على خطوات بسيطة لكن فعالة، علشان لو حصلت اللحظة دي – لا قدر الله – الطفل يعرف يحمي نفسه ويوصل لأهله بسرعة وبأمان.
في لحظات معينة، ممكن يحصل حاجة ما كناش متوقعينها، زي إن طفل يضيع في مكان عام، وده موقف صعب جدًا على الأهل والطفل. بس اللي يطمن ويقلل الخوف هو إننا نكون مستعدين له مسبقًا، وندرب الطفل على التصرف الصحيح في حالة زي دي.
تعالوا نعرف إزاي نهيأ أطفالنا للموقف ده بشكل بسيط وعملي:
أول وأهم خطوة لو الطفل لقى نفسه لوحده، هي إنه مايتحركش من مكانه أبدًا. يفضل واقف في نفس المكان اللي لاحظ فيه إنه تايه. الحركة هتخليه يتوه أكتر وتصعب علينا نلاقيه.
ينادي على “ماما” بشكل واضح
الطفل لازم ينادي بصوت عالي على اسم ماما أو تيتا + اسمها، يعني مثلًا يقول:
“يا ماما نجلاء، يا تيتا فاطمة أنا هنا!”
ده بيساعد اللي حواليه يميزوا إن الطفل تايه، وكمان بيساعد الأم تسمعه بسرعة.
ينادي… ويسكت شوية
مش لازم يفضل يزعق على طول. ينادي مرة أو مرتين، وبعدين يسكت شوية ويسمع، يمكن ماما بتنادي عليه ومش سامعها. ويفضل دايمًا واقف مكانه.
يكون حافظ رقم تليفون ماما أو بابا
من المهم جدًا الطفل يكون حافظ رقم تليفون واحد على الأقل. والطريقة الأسهل لحفظ الرقم هي إننا نعمله بلحن أو أنشودة بسيطة، علشان يثبت في دماغه.
ولما يطلب المساعدة، لازم يطلبها من ست كبيرة، مش من راجل. يقول لها:
“ممكن تطلبي لماما على الرقم ده؟”
ولو الست قالت له “تعالى أوديك لماما”، لازم يرد بكل ثقة:
“شكرا، ماما جاية لي هنا، أنا هستناها”
مايروحش أبدًا مع أي حد، مهما قال له.
يكون هادي وواثق
مهم جدا نعلم الطفل إنه يهدأ ويثق إن ماما هاترجع وتلاقيه. التوتر بيخليه يعيط بس ومابيعرفش يفكر. إحساس الأمان بيخليه يتصرف صح.
المساعدة من الأمن فقط
لو فيه أمن في المكان (زي حد لابس يونيفورم أو بادج)، الطفل يروح له مباشرة. يقول له إنه تايه ويطلب منه الاتصال بماما.
خليك مستعد… درب ابنك بمسرحية!
أحسن طريقة نعلم بيها أطفالنا التصرف ده، هي إننا نعمل موقف تمثيلي في البيت، كأننا في مول أو حديقة، ونجرب معاه كل الخطوات دي، كأنها لعبة. ده بيثبت التصرفات دي في دماغه، وبيخليها تطلع تلقائي لو حصلت بجد.
الموضوع مش تشاؤم ولا “فأل وحش”، بالعكس، ده وعي واستعداد وإدارة أزمة، والمستعد دايمًا بيعدي المواقف الصعبة بأمان.
وفي النهاية، إحنا بنعمل اللي علينا، والباقي على رب العالمين.
اللهم احفظ أولادنا، وبارك فيهم، وخليهم دايمًا في حفظك ورعايتك يا كريم 
استنوا رايحين فين؟؟ شير لكل أب و أم
1-صوت المرأة..أسرار لا تُحكى: كيف تغيّر المرأة العالم من خلف الستار
“للمزيد: اضغطي هنا- https://nesral3roba.com/?p=131433
2 صوت المرأة ..السر وراء النجاح والتألق بين إيديك!
سيدتي، قوتك في صوتك، وتألقك في حضورك! 
لا تفوّتي الفرصة لمعرفة كيف تصنعين الفرق!اضغطي هنا
صوت المرأة فبراير 2025: السر وراء النجاح والتألق ينتظرك!”
3 – صوت المرأة: هل أنتِ جاهزة لاكتشاف أسرار رمضان؟
اقرئي صوت المرآة كاملًا: https://nesral3roba.com/?p=132293
4_صوت المرأة المصرية أبريل مش بس مسموع… ده بيهز العالم!
من الفن للسياسة، من الإعلام للعلوم، هي دايمًا في الصفوف الأولىصوتها = إبداع + قوة + تغيير
اقروا عن النماذج الملهمة دي في جريدة #نسر_العروبة
من هنا:
5 – صوت المرأة مايو هل تجرؤين على اكتشاف أسرار ممكن تغيّر حياتك؟
من التربية للعلاقة الزوجية، ومن الصحة النفسية لأسرار ما بين السطور!
في حلقة قوية مع منى الشاذلي، هتسمعي كلام مش عادي عن صوتك، حقوقك، واختياراتك!
حمل مجانا كتاب على خطى الرسول: أطفالنا مستقبلنا”
– للمزيد اتبع الرابط التالي – https://nesral3roba.com/?p=128294
مغامرات عامر ومروان في رمضان!
كل عام وانتم بخير 
جاهزين تعيشوا المغامرة مع عامر ومروان؟ قصص مشوّقة وأحداث رمضانية ممتعة بانتظاركم!