رغيف عيش متقمر… وشوية مفتقة من إيد ست الحبايب! يا سلام على أيام زمان ❤️😂😍
ريحة المفتقة وهي بتتعمل في المطبخ كفيلة ترجعك لزمن البركة… زمن ست الحبايب اللي كانت بإيديها تعالج كل حاجة!
يلا بينا نرجّع الذكريات ونقولكم على طريقة المفتقة الأصلية خطوة بخطوة 👇
محتوي المقالة
بطريقة الشيف / هالة فهمي..
المقادير:
- ٢ كيلو عسل أسود
- كوب حلبة مطحونة
- كوب زيت
- كوب إلا ربع دقيق
- معلقة صغيرة عصير ليمون
- ٢ فص مستكة
- ٤ معالق كبيرة محوجة
- كوب سمسم محمص
- كوب سوداني محمص
مكوّنات المحوجة:
- ٢ معلقة كبيرة مغات
- معلقة كركم
- معلقة يانسون
- معلقة كراوية
- معلقة شمر
الطريقة الأصلية:
🍯 أول خطوة:
اخلطي العسل الأسود مع الحلبة المطحونة واسيبيهم 10 دقايق يتخمروا.
🌿 في الوقت ده حضّري المحوجة:
حمّصي الشمر واليانسون والكراوية على النار من غير زيت.
اطحنيهم كويس وخلّيهم.
ضيفي عليهم المغات والكركم بعد الطحن.
🥄 على النار:
في حلة حطي الزيت والدقيق وقلبي لحد ما الدقيق يتحمص شوية.
ضيفي المستكة، السمسم، والسوداني.
وبعدين انزلي بالعسل المتخمر واحدة واحدة علشان مايفورش.
سيبيه يغلي 5 دقايق، ووطّي النار 5 دقايق كمان.
وفي الآخر… عصرة الليمون السحرية 🍋✨
بعد ما يهدى… صبّيه في البرطمانات.
ويا سلام على أول معلقة مع رغيف عيش متقمر! 😍🔥