كتبت/ فاطمة العامرية
كانت مصر سنويًا بتصدر ٣ مليون طن صخر رخام (خام) في ٢٠١٥ و قيمتهم حوالي ٥ مليار جنيه بيتم تصديره لعدة دول مثل ايطاليا وتركيا والصين واسرائيل وغيرهم
الرخام كان بيعاد تصنيعه في الدول دي ويرجعوا يصدروه لدول العالم من ضمنهم مصر بـ٤ اضعاف سعر الخام و نستوردة بنفس ال٣ مليون طن اللي صدرناهم ب ٥ مليار هنستوردهم مُصنعين ب ٢٠ مليار جنيه يعني خسارة ١٥ مليار جنيه في كل ٣ مليون طن
لذلك اهتم الرئيس عبدالفتاح السيسى بالموضوع وفورًا وتم البدء في تنفيذ مجمع الرخام والجرانيت في سيناء بجفجافه و مجمع الرخام والجرانيت في بنى سويف و اثناء شق جبال الجلالة وانشاء طريق الزعفرانة السخنة اكتشفنا كنز في جبال الجلالة
جبال الجلالة مكونة من صخور اركي قديمة ومليئه بعروق معدنية ، وتم على الفور الاتفاق مع شركة “بيدريني الايطالية” علي تنفيذ مدينة صناعية عملاقة مكونة من ٦ مجمعات رخام اول مجمع بيضم ٩ مصانع منهم ٧ لإنتاج الرخام و مصنع لإنتاج الجرانيت ومصنع لإنتاج المستلزمات بالإضافة الي معهد تدريب مهني على حرف صناعة الرخام و اول ٣ مصانع في مصر لانتاج مستلزمات الرخام و بلوكاته والمنتج الخرساني اللي بينتج من هالك صخور الرخام ، الرئيس افتتح اول مصنعين من المجمع الأول وباقي المصانع هتدخل الخدمة تباعًا الفتره الجاية
اما مجمع الرخام والجرانيت في بني سويف ده بيتكون من ٧ مصانع منهم ٥ للرخام و ٢ للجرانيت بالاضافة الي مصنع التشغيلات الفنية ومنطقة إدارية تضم مناطق القيادة والسيطرة ، ومكاتب فنية وإدارية وقاعات التدريب والمؤتمرات ، وثلاث عمارات سكنية للعاملين والمشروع ده افتتحه الرئيس في اغسطس ٢٠١٨
و مجمع جفجافة بيضم ٥ مصانع بتكنولوجيا شركة بيدريني الايطالية وافتتحه الرئيس المشروع في نوفمبر ٢٠١٩
بخلاف ذلك تم وضع استراتيجية لتطوير منطقة شق الثعبان بتكلفة ٣.٦ مليار جنيه كونها اكبر مدينة صناعية لإنتاج الرخام في الشرق الأوسط بتضم حوالي ١٩٠٠ مصنع
وبخلاف تخطيط مجمعات جديدة للرخام في البحر الأحمر والمنيا وسيناء هتظهر للنور الفترة الجاية بحيث ان كل خام الرخام يخرج من مصر في صورته النهائية
و توجه الرئيس بتعظيم قيمة الثروات الطبيعية زي الرمال والرمال البيضاء والسوداء والرخام والفوسفات والغاز الطبيعي وغيرهم وقام أنشاء المشروعات الجديدة مثال مزارع السمك المشروع ليست مجرد مزرعة سمك لا السمك يخرج منها متنضف ونصف مطهي ومتجمد ومتغلف كمان ، كذلك الأمر في مشروع المليون راس ماشيه الروث يتعمل بيه سماد و جزء من المواشي تكون حلابة لكى تخرج ألبان علي المصانع اعمل بيه منتجات dairy ، بردو في مشروع ال٢.٥ مليون نخلة في توشكي نفس النظام النخل يخرجلي تمور ومش هبيعها كلها تمور خام لا اعمل مصانع حوالين المزرعة عشان يبقا عندي منتج (دبس تمر – مربي تمر – تمور محشية .. الي اخره)
بكده تقدر تعظم من قيمة الثروة اللي في ايدك تقدر تبيعها ب١٠٠ بدل ما تبيعها بعشره تبيعها بمليون بدل الف تبيعها بمليار بدل مليون ، ده اللي كل الخبراء بقالهم سنين بينادوا بيه عشان الصادرات تعلي والبطالة تنخفض والاقتصاد ينمو و انهارده الحمدلله بيتحقق
