بقلم الشاعرة / نشوى الخطيب
متابعة / سامح الخطيب
القصه واضحه
وفيها التفاصيل
ناحته الحكاوى
ع السطور مواويل
مع نهجه خانقه
وعامله اوى زيطه
أنا مش عبيطه
ده هو ده التفسير
انا شوفت ياما كتير
اوى تحوير
مع كل حرف نقطه
بدمع ودم
نازف وطارح
ع الطريق واليم
صابت عنيا بالعما والهم
يا خوانا جايز اكون
منيش شايفه
من كتر ماوشوش
كتير اوى زايفه
عملالى اختى
وهى كرهانى
ودى صديقه
بالرخص بيعانى
وده بينصح وهو
بسهم الغدر رمانى
حقد وقساوة ومين
فيها الجانى
الغيرة قادت
جواهم ياما النار
مش ذنبى يعنى
اكون جواك شرار
وأنا مش ببيع فى
لحمكم برخيص
ولا بشترى أنا بدى
كل غالى آه ونفيس
وياما رسايل
بيكشفهالى الفيس