بقلم /د عزة محمود
يا قلمي…… يا مقصوف
أما أنت………….. أنتيكه
مرعوش ماليك الخوف
ماسك لي…….. أستيكة
ما تقولي فين الحروف
اللي ……….هتمسحها
وألا …ده وهمك عماك
يا شغل ……..فابريكا
******************
يا قلمي فوق يا جميل
ما كنت مفرود طويل
وكلمة الحق…. سيفك
إزاي يخلوك …..ذليل
بروك ..عشان تنقصف
وكلمتك ….. تنخسف
إياك…….. تبيع كلمتك
عدل الحياة.. ينجرف
*****************
يا قلمي……. يا مربوط
بألف إيد …..اخطبوط
أرسم ….طريق النجاه
بخطك………..المظبوط
اوعاك تخاف.. او تكش
الظلم …..له ألف وش
وأن شفت مرة.. الغش
اديله…. مية نبووووت