الشيف هاله فهمي وفرحة ليلة رأس السنة و احلى تورتة فراولة

الشيف هاله فهمي وفرحة ليلة رأس السنة و احلى تورتة فراولة
الشيف هاله فهمي وفرحة ليلة رأس السنة و احلى تورتة فراولة

الشيف هاله فهمي وفرحة ليلة رأس السنة و احلى تورتة فراولة

مقادير تورتة فراولة

3 كوب دقيق – كوب سكر بودر
نصف كوب نشا – م ك بيكنج بودر
ن م ص بيكنج صودا – رشه ملح
باكو جيلي فراوله – كوب زيت
كوب لبن – 3 بيضات
علبه زبادي

طريقة عمل تورتة فراولة


حطي المقادير السايلة في الخلاط واضربيهم مع بعض وبعدين حطي المقادير الجافة مع بعض وقلبيهم سوا
دوبي باكو جيلي الفراولة في شوية ماية سخنه صغيرين و حطيها علي خليط الكيكة و في صينية مقاس ٢٨ مدهونه سمنة دخليها الفرن
١٨٠ لمده ٢٥ دقيقة اختبري سواها
للتغطيه
فراوله
باكو جيلي فراولة
نصف كوب ماء ساخن
كريم شانتيه مخفوق
اضربي كوباية كريم شانتيه بودر مع كوباية لبن ساقع او مايه ساقعه وجلسي بيه الكيكة من فوق
حطي الفراولة كده متقطعة نصين فوق الكريم شانتيه
دوبي بقي الجيلي الفراولة في شوية مايه سخنه و ادهني بيها الفراولة من فوق ودخليها التلاجة شوية والف هنا وشفا

ازاي تدبري مصروف البيت 🤍

١- طلعي صدقة من المصروف اول مايكون معاكي

٢- اعملي الاكل في البيت اوفر واحسن وانظف من اكل برة

٣-اكتبي احتياجاتك في ورقة قبل ماتنزلي تشتري عشان هتلاقي

نفسك جبتي حاجات مش في الاولويات

٤-اشتري دايما الخضار والفاكهة من السوق اوفر بكتييير من الخضار المغلف في السوبر ماركت

٥- لو اتبقى من الاكل اوعي ترميه ..شيليه في الفريزر هينفعك في يوم تطلعيهم وتعملي احلى اوبن بوفيه

٦- اعملي جدول باكلات الشهر عشان متحتاريش كل يوم تعملي ايه و هتلاقي حاجتها موجوده ولا لا

٧- استغلي وقت عروض وخصومات اي سوبرماركت علي المنتجات اللي بتحتاجيها دايما

مقادير عمل السينابو

كيلو دقيق -2معلقة خميره- نصف كوب سكر -نصف كوب لبن بودر

رشة ملح – فانيليا – كوب زبده

2 بيضه – كوب ونصف ماء دافيء

*للحشو*

كوب سكر -نصف كوب قرفه – 2 معلقه كبيره زبده

طريقة عمل السينابو

حطي كيلو الدقيق مع الملح والخميرة السكر والبيض والفانيليا مع الزبدة والماي لحد ماتبقي عجينه طريه معاكي سبيها تتخمر لمده ساعه

افردي العجينه شكل مستطيل وامسحيها من فوق بالزبده الطريه وعليها السكر والقرفه وثبتيها بايدك ولفها رول وتقطيعها

حطي طرف كل قطعه من تحت في صينيه فيها ورق زبده لمده عشر دقايق يخمر ودخليها الفرن علي درجة حراره ١٨٠

*صوص الجبنه*

كوب جبنه كريمي – نصف كوب سكر بودر -نصف كوب لبن ساقع -معلقةج زبده

اخلطي المقادير كلها في الخلاط وانزلي باول حاجة اللبن وحطيها علي السينابون

كبسة لسان العصفور باللحمة ..كبسة بطعم جديد هتعجبك اكيد

لحمة مسلوقة – لسان عصفور – بصل مفروم -فلفل حامي – ٢ عود قرفة – ورق لورا- حبهان -كمون – كزبرة – كاري- كركم -شطة -شوربة اللحمة

يلا بينا بعد المقادير ندخل علي التحضير

انزلي باعواد القرفة وورق اللورا و الحبهان مع البصل المفروم والفلفل الحامي المفروم و شوحيهم كلهم بعد كده انزلي بلسان العصفور يتحمر وياخد لون وبعدين حطي اللحمة المسلوقة تتشوح

وقلبي كله مع بعض مع التوابل وانزلي في الاخر بالشوربة وسيبيه ياخد سواه

#صلصة_الدقوس

طماطم – بصل – فلفل حامي -كزبرة خضرا – ثوم مفروم – صلصة -ملح – فلفل – رشة سكر -عصير ليمون – خل – زيت

حطي المقادير كلها في الخلاط وقدميها مع الكبسى