«اللي جاي تقيل».. ياسمين عبدالعزيز تشعل الحماس من كواليس «خلي بالك من نفسك»
بإطلالة قوية وسلاح آلي ومشهد مليان غموض وإثارة، خطفت النجمة ياسمين عبدالعزيز الأنظار من كواليس فيلمها الجديد «خلي بالك من نفسك»، واللي بتصوره حاليًا مع النجم أحمد السقا
الصورة المتداولة من الكواليس فتحت باب التكهنات بقوة حول طبيعة شخصية ياسمين داخل الفيلم، خاصة بعد ظهورها داخل مصنع أسلحة وبملامح مليانة تحدي وكأن الجمهور على موعد مع نسخة مختلفة تمامًا منها
الفيلم يعتبر واحد من أكثر الأعمال المنتظرة في السينما، مش بس لأنه بيمثل عودة ياسمين عبدالعزيز للشاشة الكبيرة بعد غياب، لكن كمان لأنه أول تعاون سينمائي بينها وبين صديق عمرها أحمد السقا
واضح من الكواليس إن الفيلم هيكون خليط بين الأكشن القوي والكوميديا الخفيفة اللي بيحبها الجمهور من الثنائي، خصوصًا مع الكيمياء الكبيرة اللي دايمًا بتجمع ياسمين والسقا
الجمهور بدأ بالفعل يترقب أول إعلان رسمي للفيلم، وسط توقعات إنه يكون من أقوى مفاجآت السينما الفترة الجاية يا ترى الفيلم هيكسر الدنيا وقت عرضه؟