اعداد / نسمة النجدى
١- كلامه ضعيف: زودي معاه لغه الحورا اتكلمي معاه كتير تعالى في آخر اليوم مثلا وانتو بتنامو واسأله (ها ياحبيبي عملت ايه انهاردة خلال اليوم اسأليه شو سوينا خلال اليوم _ واحكيله قصه حتى لو حكتيله شو سويتو خلال اليوم في صورة قصة)
٢-طفلك بخيل: مثلا جيبيله حاجة وانتي حاجة ولو بسكوتة ويبقى عارف انها بتاعتك شاركيه معاكي فيها اديله منها هو من نفسه هيديلك من بسكوتته وهكذا حسب المواقف
لما يكون ابنك معه بسكويت في مكان ما ومعه طفل آخر بالمكان اطلبي منه يعطي لذاك الطفل وشجعيه هيتعود ع العطاء
وأشياء كثيرة تخص البخل مثلا بخل المشاعر وهذا ليه أسباب وحلول أيضا وهكذا
٣- طفلك بيكذب كتير: لما الطفل يقولك على شئ غلط عمله لا تزعقي فيه أو تضربيه أو تشدي عقابك ليه بل شجعيه انه ماكذب امدحيه انه قال الحقيقة وبعدين عرفيه انه كده غلط ومانفعش نعمل كده تاني لأنه عيب أو غلط او حرام وهكذا وقوليله السبب علشان يقتنع واتفاهمي معاه
٤- طفلك لا يحترم الاخرين: لأنه مش حاسس بكيانه معاكم بالبيت على طول حاسس انه قليل من كتر الزعيق معاه بسبب وبدون سبب بالتالي ده هينعكس على الأخرين مش هيتعود على احترامهم لازم نحترم طفلنا ونحسسه انه ليه كرامه ومش دايما نفضل نزعق معاه لازم نحترم رغبته وان كانت غلط يبقى بالحوار والاقناع نعرفه انها غلط مش بالزعييق نحترم اراؤه اتعاملي معاه ذي ماتحبي هو يتعامل معاكي
قوليله بعض الكلمات في كلامك معاه مثلا – – >(( لو سمحت من فضلك)) وهكذا هتلاقيه هو هيقولك كده برضوا وهيحترم الآخرين لأنه اتعود على الذوق والاحترام والاقناع
طفلك يعتدى على غيره: نفس الكلام في النقطه اللي قبلها ده هيساعده انه مايبقاش عنيف المعامله وممنوع الضرب أيضا وده كنا اتكلمنا عنه في الصفحة حتى لا يصبح عنيف تابعي ع الصفحة
طفلك ضعيف: لأنك بتهدده دايما يعني ماتقوليلهوش مثلا لو ماسمعت الكلام هضربك لو مالميتش لعبك هضربك لو معملتش كذا هقول لبابا يموتك وهكذا ممنوووع
طفلك بيغير : حاولي ماتفرقيش بينه وبين اخوه لا معامله ولا مقارنه
ماتقارنيش قدام ابنك بينه وبين ولد آخر وتقوليله شوف هو احسن منك علشان بيذاكر لا ممكن تقوليله الله هو بيعمل ايه هو هيرد عليكي فتقوليله طيب يالا بينا لو انت ذاكرت هنجيب حاجة حلوة هو بيحبها هو هيقلد الولد بدون مايغير لأنك ماقارنتيش مجرد بس مالفتي نظره مش اكتر علشان يقلد وفي نفس الوقت بتشجيع منك وتوعديه بحاجة بيحبها هيسمع كلامك وفي كل طريقة حسب الموقف هكذا
احضني طفلك حسسيه بحبك اهتمي بيه ده هيخليه مايحسش بغيرة لأنه مش هيحس بالاحتياج مهما حصل بالتالي مش هيحس بالغيرة 👍